ДЭЛХИЙН ЦАГДААГИЙН СПОРТЫН ИХ НААДМААС МОНГОЛЫН БАГ ТАМИРЧИД ДОЛООН МЕДАЛЬ ХҮРТЛЭЭ

Дэлхийн цагдаагийн спортын их наадам наймдугаар сарын 7-нд АНУ-ын Калифорни мужийн Лос-Анжелес хотод эхэлсэн. Тус наадам нь хоёр жилд нэг удаа зохион байгуулагддаг уламжлалтай.

Энэ жилийн дэлхийн цагдаагийн спортын их наадам 17 дахь удаагаа зохион байгуулагдаж байгаа юм. Уг наадамд дэлхийн 96 гаруй орны 10 мянга гаруй тамирчин оролцож байна. Тамирчид олимпийн болон олимпийн бус спортын 56 төрөлд өрсөлдөх ажээ.

Харин Монгол Улсын шигшээ багийхан энэ наадамд өмнө нь 4 удаа өрсөлдөж байсан. Тэд энэ удаад 30 гаруй хүний бүрэлдэхүүнтэй олимпын наадамд оролцож байгаа.

Наадмын эхний өдөр сонгомол бөхийн төрөл болсон. Сонгомол, чөлөөт бөхийн ахмадын ДАШТ-ий олон удаагийн медальт, "Хүч" спорт хорооны тамирчин ОУХМ Ш.Баянмөнх 40-өөс дээш насны 130 кг-ын жинд мөнгө медаль хүртлээ. Мөн "Хүч" спорт хорооны тамирчин, олимпийн зэрэглэлийн шүүгч Б.Төмөрбаатар 86 кг-д хүрэл медаль хүртсэн.

Мөн Дархан-уул аймгийн цагдаагийн газрын цагдаагийн хошууч Н.Батхишиг /эмэгтэй/ жүдо бөхийн төрөлд Алтан медаль, жиү жицү төрөлд мөнгөн медаль, НХЖХГ-ын ахлах ахлагч Ц.Цэрэннадмид эмэгтэй жүдо бөхийн төрөлд алтан медаль авлаа. Түүнчлэн Хан-уул дүүргийн Замын цагдаагийн хэлтсийн ахлах ахлагч Г.Жанчивдорж, Хамгаалалтын 3-р газрын ахлах ахлагч Б.Батгал, ХСИС-ийн дэслэгч Б.Батдорж нар тус тус мөнгөн медаль тус тус хүртэж манай баг тамирчид амжилт үзүүлсээр байна. Тэмцээн энэ сарын 17 хүртэл үргэлжилнэ.

Ю.Гэрэл