АЛТНЫ КОМПАНИУДЫН ҮЙЛ АЖИЛЛАГААГ ХОЁР САРААР ЗОГСООНО

Монгол Улсын Ерөнхий сайд Ж.Эрдэнэбат гол горхи бохирдуулж ашигт малтмал олборлож байгааг шалгах, шаардлагатай бол хууль хяналтын байгууллагад шилжүүлэх үүрэг, чиглэл өгсөн. Үүргийн дагуу БОАЖЯ-аар ахлуулсан ажлын хэсгийнхэн Архангай аймгийн Цэнхэр, Сэлэнгэ аймгийн Хүдэр, Ерөө, Дархан-Уул аймгийн Шарын гол, Төв аймгийн Заамар суманд ажиллалаа.

Архангай аймгийн Цэнхэр сумын Орхон багийн нутагт үйл ажиллагаа явуулж байгаа алтны компаниудын үйл ажиллагааг хоёр сараар зогсоох дүгнэлтийг БОАЖЯ-наас гаргажээ. Мөн мэргэжлийн хяналтын ерөнхий газарт хүргүүлсэн үүргийн дагуу алтны компаниуд БОАЖЯ-наас тавьсан шаардлагыг биелүүлж, техникийн болон биологийн нөхөн сэргээлтийг хийнэ.Түүнчлэн алт угааж буй хиймэл нуурын усаа гадагш алдахгүй, Өлт болон Шийртийн голыг бохирдуулахгүй байх арга хэмжээг авчээ.

Ю.Гэрэл