​М.ЭНХБОЛД: ХҮНИЙГ ДАГАХ, МӨРДӨХ ҮҮРГИЙГ ХЭНД Ч, ХЭЗЭЭ Ч ӨГЧ БАЙГААГҮЙ

Ерөнхийлөгчийн сонгуулиас хойш МАН дотор нэлээд бужигнаан болоод байгаа билээ. Ямартай ч намын удирдах түвшний зарим нэг нөхөд намын удирдлагуудаа хүчтэй шүүмжлэх болсон. Үүнтэй зэрэгцэн Шадар сайдыг тагнаж, чагнасан, амь нас эрүүл мэндэд нь заналхийлсэн үйлдлийг намынх нь зүгээс гаргасан тухай мэдээлэл ч түгэх болоод байгаа юм.

Тэгвэл энэ асуудал дээр МАН-ын дарга М.Энхболд өөрийн фэйж хуудсаараа ийнхүү байр сууриа илэрхийлжээ. Тэрбээр "Өдрийн мэнд хүргэе. Сүүлийн өдрүүдэд Dorgio.mn сайтад намайг гүтгэсэн мэдээ гаргаж, түүнийгээ сошл орчинд зохион байгуулалттай тарааж эхэллээ.

Би төрийн албанд зүтгэхдээ хүнийг дагах, мөрдөх үүргийг хэнд ч, хэзээ ч өгч байгаагүй, надад ийм зан чанар огт байхгүйг хүмүүс мэднэ. Энэ асуудлыг хууль хяналтын байгууллагад хандаж шалгуулна" гэжээ.

Б.Ирээдүй