​Н.ЛҮНДЭНДОРЖИЙН ҮЛ ХӨДЛӨХ ХӨРӨНГӨНҮҮД НЬ ХАСАГДАЖ, ХАДГАЛАМЖ НЬ НЭМЭГДЖЭЭ

Тэрбумаар хэмжигдэх үл хөдлөх хөрөнгө, машин, үнэт эдлэл, хадгаламжтай төрийн эрх бүхий албан тушаалтнууд хөрөнгө орлогоо өмнөх жилүүдэд хэрхэн мэдүүлж байсныг харьцуулан хүргэх гэж байна.

Ингээд Шүүхийн Ерөнхий Зөвлөлийн дарга Н.Лүндэндоржийн хөрөнгө орлого 2014-2016 оны хооронд хэрхэн өөрчлөгдсөнийг хүргэж байна. 2014 онд жилийн орлого нь 47.2 сая, 2015 онд 38,4 сая, 2016 онд 44,3 сая төгрөг байв. Гэр бүлийн гишүүдийн орлогод бараг өөрчлөлт ороогүй байна. Өмнөх хоёр онд дөрвөн орон сууц, бусад барилга байгууламж дөрөв байсан нь 2016 онд нэг нэг болжээ. 2014, 2015 онуудад орон сууц, барилга байгууламжийн үнэлгээ 1 тэрбум, 36 саяаар хэмжигдэж байсан бол 2016 онд 576 сая болсон байна.

Шүүхийн Ерөнхий Зөвлөлийн дарга Н.Лүндэндоржийн хадгаламж 2016 онд нэг тэрбум хүрсэн. Тэгвэл 2014 онд 614,3 сая, 2015 онд 7113,3 сая төгрөгийн хадгаламжтай байжээ.