​ШУУРХАЙ ШТАБ БАЙГУУЛАН АЖИЛЛАЖ БАЙНА

Нийслэлийн Сонгинохайрхан дүүргийн 1, 22 дугаар хороонд мал амьтны гоц халдварт шүлхий өвчин гарсантай холбогдуулан тус дүүргийн Засаг дарга 2017 оны А/363, А/365, А/369, А/370 дугаартай захирамжуудыг баталж хоёр голомтын бүс, хоёр устгалын цэг үүсгэн хорио цээрийн дэглэм тогтоожээ. Ингээд дүүргийн Онцгой комиссын даргын 2017 оны нэгдүгээр тушаалаар "Шуурхай удирдлагын штаб"-ыг байгуулан холбогдох албан хаагчдыг томилж, 24 цагаар үүрэг гүйцэтгэж байна. Мөн нийслэлийн Онцгой байдлын газар "Мал амьтны гоц халдварт өвчний үед ажиллах шуурхай штаб" байгуулан 24 цагаар мэдээ, мэдээллийг боловсруулан удирдах дээд шатны байгууллагад хүргүүлж, үүссэн нөхцөл байдлыг удирдлага, зохион байгуулалтаар ханган ажиллаж байгаа аж.