​ЕРӨНХИЙ САЙД Ж.ЭРДЭНЭБАТ ЦЕГ-Т ГОМДОЛ ГАРГАЛАА

Монгол Улсын Ерөнхий сайд Ж.Эрдэнэбат захиалгаар бусдыг гүтгүүлсэн мэт дүрс, дуу бичлэг өчигдөр буюу наймдугаар сарын 2-ноос эхлэн олон нийтэд цацагдаад байсан билээ. Тэгвэл энэ асуудлаас үүдэж Ерөнхий сайд цагдаагийн байгууллагад хандсан байна. Тэрбээр гомдолдоо "Өчигдөр буюу 2017 оны 8 дугаар сарын 2-ны өдрөөс олон нийтийн мэдээллийн хэрэгсэл, сайтуудыг ашиглан миний биеийг зохион байгуулалттайгаар Монгол Улсын Шадар сайд У.Хүрэлсүрхийг танхайн гэмт хэрэг үйлдсэн мэтээр харагдуулах зорилготой ажиллагааг бусдад захиалга өгч гүйцэтгүүлсэн мэт дүрс, дуу бүхий бичлэгийг тараасан байна. Уг бичлэг дуу оруулалт, найруулга, зохиол бүхий байгаа нь тодорхой хөрөнгө шаардсан нарийн зохион байгуулалт бүхий ажил болох нь харагдаж байна.

...Миний бие өөрийн гаргасан гомдолд дурьдсан асуудлаар эрх бүхий байгууллага, албан тушаалтанд биечлэн тайлбар, мэдүүлэг өгөх, баримт сэлт гаргах зэргээр иргэнийхээ хувьд эрхээ эдэлж, үүрэг хүлээж оролцох бөгөөд та бүхэн шалгалтын ажиллагааг миний эрхэлж буй албан тушаалын байдлыг үл харгалзан шударгаар явуулж бодит үнэнийг тогтоож өгнө гэдэгт найдаж байна" гэжээ.

Б.Ирээдүй