ХУГАЦАА НЬ ДУУССАН ГУРИЛД 5 ӨРХИЙН 8 ТОЛГОЙ ҮХЭР ХОРДОЖ ҮХЖЭЭ

Хан-Уул дүүргийн 13 дугаар хороо, Туул тосгоны 7 дугаар хэсэгт Сонгинохайрхан дүүргийн 4 дүгээр хороонд үйл ажиллагаа явуулдаг "Нүүдэл Жи" ХХК нь хадгалалтын хугацаа дууссан, муудсан хэрчсэн гурилыг устгалд оруулалгүй ил задгай малын бэлчээрт хаяснаар энэ сарын 02-ны өдөр 5 өрхийн 8 толгой үхэр хордож үхсэн байна.

Газар дээр нь мэргэжлийн хяналт, дүүргийн Онцгой байдлын хэлтсийн байцаагч нар хамтран ажиллаж, хэргийг дүүргийн цагдаагийн 2 дугаар хэлтэст шилжүүллээ. Хордож үхсэн малыг ариутгал халдваргүйжүүлэлт хийж устгалд оруулах ажлыг "ТУДА" ХХК-ын мал эмнэлэг хариуцан ажиллаж байна.