“МОНГОЛ САРЛАГ” ФЕСТИВАЛЬ БОЛНО

Жил бүр уламжлал болгон зохион байгуулладаг "Монгол сарлаг" фестиваль Архангай аймгийн Ихтамир сумын "Тайхарын тал"-д энэ сарын 9,10-ны өдрүүдэд болно.

Тус фестивалийг Монгол сарлагийн үүлдэр угсааг чанаржуулах, ашиг шимийг нэмэгдүүлэн бүрэн гүйцэд ашиглах, малчдын орлогыг нэмэгдүүлэх улмаар аялал жуулчлалын уламжлалт арга хэмжээ болгон жил бүр тэмдэглэх юм.

Харин фестивалийн үеэр "Сүрлэг хангай" сарлагийн парад, "Хөхдэй" уралдаант тэмцээн, Сайхан сарлаг, Ганган сарлаг, Сарлагт ээлтэй малчин, Саглагар сагсаахай, Шимт идээ, Арвин баялаг, Уран сарлаг , гэсэн төрлүүдэд сарлаг шалгаруулна.

Мөн аймгуудын бэлчээр ашиглагчдын холбоодын аялагч, жуулчдад зориулсан "Өгөөж буян", "Цагаадай" үзэсгэлэн, "Ягаадай" урлагийн тоглолт болох ажээ.