​Л.БОЛД: ҮНДСЭН ХУУЛИЙГ ДАНДАА БУРУУ ТАЙЛБАРЛАДАГ

Чуулган завсарлачихаад байгаа энэ цаг үед УИХ-ын гишүүдийн зарим нь орон нутагт ажиллаж байхад зарим нэг гишүүд үндсэн хуулийн өөрчлөлт дээр түлхүү анхаарлаа хандуулан ажиллаж байгаа аж. УИХ-ын гишүүн Л.Болд үндсэн хуулийн талаар ярилцлага өгөхдөө дараах байр суурийг илэрхийлсэн байна. Тэрбээр "...Би өөрчлөх гэдэг үгэнд дургүй. Үндсэн хуулийн нэмэлтийн асуудал байх ёстой. Үндсэн хууль бол маш сайн хууль. Гагцхүү дандаа буруу тайлбарладаг. Үндсэн хуулиа буруу ойлгосон уу эсвэл зориуд мушгин гуйвуулсан дагалдах хуулиуд гаргасан. Тиймэрхүү салаа утга мөчир гарахгүй байх нөхцөлийг өнөөдөр Үндсэн хуульд суулгаж өгөх хэрэгтэй. Өөрөөр хэлбэл, Үндсэн хуулийн одоо байгаа харилцааг эвдэх биш тодруулах шаардлагатай харилцаануудаа нэмэлт маягаар хийх хэрэгтэй. Ингэх юм бол зүйд нийцсэн Үндсэн хууль гарна. Үг солих маягаар нэр томьёо өөрчлөх биш гол өөрчлөлтөө ард түмнээр хэлэлцүүлэх хэрэгтэй" гэжээ.

Б.Ирээдүй