MERCEDES BENZ ХӨЛӨГЛӨДӨГ УИХ-ЫН ГИШҮҮД

Төр түмнийхээ төлөө ажиллана хэмээн амлалт өгч, олон нийтийн итгэлээр УИХ-ын гишүүн хэмээх сэтрийг зүүх болсон эрхмүүдийн бэл бэнчин нь түрүүвчиндээ багтаж ядах болсоор удаж байна. Зарим нэг нөхдийн хувьд хөрөнгө мөнгө нь тэрбум, тэрбумаар яригдах болсон нь хөрөнгө орлогын мэдүүлгээс нь тодорхой харагдаж буй.

Ер нь бол УИХ-д суудалтай эрхмүүд ихэнх нь ямар нэг бизнестэй. Тиймээс л олон нийтийн эрх ашгаас илүү, амин хувийн болон бүлэглэлийн эрх ашигт нийцүүлсэн хууль баталж байна гэх шүүмжлэлийг араасаа байнга дагуулж байдаг.

Татвар төлөгчдийн тусгай хангамжинд "жаргалдаа" ташуурч, төр түмний гэхээсээ илүүтэй, бүлэглэл, амин хувийн эрх ашгийг дээгүүрт тавьдаг УИХ-ын гишүүд ямар ямар маркийн машин хөлөглөж буйг уншигч та бүхэн сонирхож буй биз. Ямартай ч бид өнөөдөр Mercedes Benz маркийн автомашин хөлөглөж байгаа эрхмүүдийг уншигч, та бүхэндээ хүргэе.

УИХ-ын гишүүн Т.Аюурсайхан Mercedes Benz XW30

УИХ-ын гишүүн С.Батболд Mercedes Benz GL500 - 76.5 сая

УИХ-ын гишүүн Х.Болорчулуун Mercedes Benz G500 – 80 сая

УИХ-ын гишүүн Ж.Ганбаатар Mercedes Benz S350L

УИХ-ын гишүүн, Хөдөлмөр, нийгмийн хамгааллын сайд Н.Номтойбаяр Mercedes Benz G-300, Mercedes Benz G55AMG загварын хоёр машинтай бөгөөд нийтдээ 239 саяаар үнэлэгддэг аж.

УИХ-ын гишүүн , БОАЖСайд Д.Оюунхорол Mercedes Benz G500-230 сая

УИХ-ын гишүүн О.Содбилэг Mercedes Benz SLS500, Mercedes Benz G500-414.2 сая

УИХ-ын гишүүн Ч.Улаан Mercedes Benz GLK 300

УИХ-ын гишүүн Н.Учрал Mercedes Benz S550

УИХ-ын гишүүн Ц.Цогзолмаа Mercedes Benz 1017FO

Б.Ирээдүй