СЭЛЭНГЭ АЙМАГТ АСАЖ БАЙСАН ХОЁР ТҮЙМРИЙГ ЦУРМАНД НЬ ОРУУЛЖЭЭ

Онцной байдлын ерөнхий газраас Сэлэнгэ аймгийн Мандал сумын нэг, Ерөө сумын дөрөв, Хүдэр сумын нэг, түймрийг бүрэн унтрааж, түймрийн голомтод ажиллаж байсан бие бүрэлдэхүүн, дайчлагдан ажиллаж байсан иргэдийг түймрийн голомтоос буулгасан талаар мэдээллээ.

Харин одоогийн байдлаар Сэлэнгэ аймгийн Мандал суманд гурван түймэр асаж байгаа аж. Хүдэр сумын нэг, Мандал сумын нэг нийт хоёр түймрийг цурманд оруулан бүрэн унтраахаар ажилласаар байгаа юм. Түймрийг унтраахаар Онцгой байдлын байгууллагаас 169 албан хаагч, 11 автомашин ажиллаж байна. Мөн Зэвсэгт хүчний анги, нэгтгэлээс 80 албан хаагч, дөрвөн автомашин, орон нутгаас 74 хүн, хоёр автомашин газар дээр нь ажиллаж байгаа аж. Түүнчлэн Улаанбаатар төмөр замаас 20 алба хаагч, хоёр автомашин, нийт 343 хүн, 19 автомашин, техник хэрэгсэлтэй түймрийн голомтод үүрэг гүйцэтгэж байна.