ЕСҮСИЙН СҮМИЙН УУЛЗАЛТАНД ОЧСОН ХҮҮХДҮҮД ҮЕРИЙН УСАНД ЭНДЛЭЭ

Өнөөдөр нийслэл хотод орсон хүчтэй борооны улмаас СХД-ийн 21-р хороо, Жаргалан тосгонд үер болж, дөрвөн настай нэг хүүхэд 40 гаруй насны нэг эмэгтэй нас баржээ. Нийслэлийн онцгой комисс, дүүргийн онцгой комисс, цагдаагийн байгууллага үерийн бүсийг хамгаалалтанд авч, үерт эндсэн дөрвөн настай хүүхэд, эмэгтэйн цогцсыг гарган авлаа. Нас барсан хүүхдээс гадна өөр нэг дөрвөн настай охин үерийн усанд урсаж, сураггүй болсон байна. Онцгой байдлын албан хаагчид эрэл хайгуулыг хийсээр 500 метр газрыг гараараа ухаж байна. Жаргалан тосгонд БНСУ-ын хөрөнгө оруулалттай Есүсийн сүм ажилладаг. Тус сүм үер болдог өдөр буюу өчигдөр бага насны 100 орчим хүүхдийг цуглуулжээ. Сүмийнхэн хүүхдүүдийг гэрт нь хүргэж өгөлгүй тарааснаас гэртээ харьж явсан хүүхдүүд үерт энджээ. Тус сүмийнхэнг одоо цагдаагийн байгууллага шалгаж байцаалт авч байна. Үерийн улмаас иргэдэд учирсан хохирлыг барагдуулахаар албаныхан ажиллаж байна. Одоогоор дөрвөн автомашин, гурван айлын гэр усанд урсчээ.