ЕРӨНХИЙЛӨГЧИД ШААРДЛАГА ХҮРГҮҮЛЛЭЭ

Монголын нийт ард иргэдийг өргүй болгоно гэсэн амлалтаа нэн даруй биелүүлэхийг Монгол улсын ерөнхийлөгч Х.Баттулгаас шаардаж, "Өргүй Монгол" хөдөлгөөнийхөн мэдэгдэл хийв. АН-аас сонгогдон УИХ-ын гишүүн З.Нарантуяа: Ерөнхийлөгч Х.Баттулгын мөрийн хөтөлбөрт өр тэглэнэ гэсэн нэг ч үг, өгүүлбэр байхгүй гэж мэдэгдэж, АН-ын гишүүн дэмжигч эмэгтэйчүүдийн холбоо "Өрийг өөрсдөөр нь төлүүлье" гэх аяныг эхлүүлээд байгаа. Иймд сонгуулийн амлалтаасаа буцаж, асуудлыг бултуулахыг оролдож байгаа учир 8 сарын 5-ны дотор бидний шаардлагын хариуг ирүүлэхийг хүсэж байна. Хэрвээ сонгуулийн амлалтаа биелүүлэхгүй бол тэмцлийн хурц хэлбэрт шилжих болно" гэж "Өргүй Монгол" хөдөлгөөний тэргүүн хатуу байр сууриа илэрхийллээ. Тус хөдөлгөөнд одоогоор ард түмний төлөөлөл болж 30 гаруй иргэд эв санаа, үзэл бодлоороо нэгджээ. Мөн аливаа нам эвсэл, улс төрийн хүчнээс ангид, зөвхөн өөрсдийн саналаар үзэл бодлоороо нэгдэж буйгаа онцолж байна.

С.Долгорсүрэн