Ц.САНДУЙ 1,4 ТЭРБУМААР ҮНЭЛЭГДЭХ ТАВАН ОРОН СУУЦТАЙ

Төрийн өндөр албан тушаалтнуудын хөрөнгө орлого хэдэн зуун саяар хэмжигдэж буй. Бид албан тушаалтнууд хөрөнгө орлогоо хэрхэн мэдүүлснийг та бүхэнд цувралаас хүргэж байгаа билээ. Энэ удаа "60 тэрбумын Ц.Сандуй" хэмээн олонд танигдаад байгаа "Нийслэлийн иргэдийн төлөөлөгчдийн хурлын дарга"-ын хөрөнгө орлогын мэдүүлгийг хүргэх гэж байна.

Ц.Сандуйгийн өөрийн орлого нь 17 сая, гэр бүлийн гишүүдийн орлого 421 сая. Таван орон сууцтай бөгөөд эдгээр нь нийлээд 1.4 тэрбумаар үнэлэгдэх юм байна. Их олон байртай мөртлөө хөл дүүжлэх унаагүй. 1,1 сая төгрөгөөр үнэлэгдэх 14 адуутай, 65 саяар үнэлэгдэх 20м2 нэг, 700 м2 хоёр газартай, 265,3 сая төгрөгийн хадгламжтай, Ц.Сэргэлэн гэх эрхмээс 80 саяын авлагтай гэж хөрөнгө орлогын мэдүүлгээ мэдүүлжээ.

Б.Ирээдүй