Х.БАТТУЛГАД ЗӨВЛӨВ

Шинээр сонгогдсон Монгол Улсын тав дахь ерөнхийлөгч Х.Баттулгад олон хүн найдлага тавьж буй. Эх орон, ард түмнийхээ төлөө юу хийх бол гэсэн хүлээлт нэлээд байна. Сүүлийн үед Эдийн засагч Н.Дашзэвэг өөрийн фэйсбүүк хуудсаараа Ерөнхийлөгч Х.Баттулгад хандах боллоо. Х.Баттулга нь сошиал ертөнцийн идэвхтэй хэрэглэгчдийн нэг. Тиймээс ч фэйсбүүк, твиттер хуудсаар түүнд үгээ хүргэх гэсэн олон хүн бий биз.

Ямартай ч Н.Дашзэвэг гуайн Ерөнхийлөгчид хаягласан хүсэлтийг та бүхэндээ хүргэе!

"Монгол улсын Eрөнхийлөгч Х.Баттулга Танаа !

(2017.07.23)

2018 он бол Монгол улсын маш том сорилтын жил юм. Чингис бондын 500 сая доллар, Хятадын 1 тэрбум юанийн (161 сая доллар) Дим сам бондыг хүүгийн хамт төлөх жил. 800 гаад сая доллар төлнө Гэтэл төсөв ойрын жилүүдэд 10 орчим хувийн алдагдалтай байх прогнозтой.
Гадаад дотоод зээл нэмэгдэн хүү нь төсвийн зардлыг улам нэмсээр байх хандлагатай байна.
Монгол улс ирэх жил 800 гаад сая долларын өр төлөх нөөц бололцоо алга Гэвч нүүрсний үнэ өсөж Эрдэнэс Таван Толгой компани жилд 1 их наяд буюу 400 гаад сая долларын ашигтай ажиллаж магадгүй байна.
Иймд энэ ашгиас боломжийн хэрээр гадаад өр төлөхөд ашигламаар байна Дим сам бондын хүү 7.5%, Чингис бондынх 4.1% төлөгдсөөр байна.
Засгийн газрын өрийг 400 гаад сая доллараар нэмэгдүүлэх нэг популист арга хэмжээ бол Эрдэнэтийн 49 хувийг төр авч буй явдал юм Энэ арга хэмжээнээс татгалзах нь зүйтэй гэж би үзэж байна 49 хувь хувийн хэвшилд байх нь компанийн үр ашгийг дээшлүүлэх, хөрөнгө оруулах чухал хөшүүрэг болно.

Монгол улсын Eрөнхийлөгчийн дэргэд Монгол улсын Өрийн Стратeгийн Зөвлөлийг (орон тооны бус) Eрөнхийлөгч, УИХ, Засгийн газар, улс төрийн намууд, эрдэмтэн мэргэжилтнүүдийн оролцоотой байгуулж Улс орноо өрийн намагт унагахгүй байх, эдийн засгийн хараат байдалд орохгүй байх стратeги, хөтөлбөр гаргаж, арга хэмжээгээ хамтран зөвлөлдөн төлөвлөж ажиллах шаардлагатай байна. Монгол улсын Үндэсний аюулгүй байдал эрсдэлд орох юм бол хариуцлага ҮАБЗ-ийн даргын хувьд Eрөнхийлөгч таньд илүү оногдох тул Таньд би хандахыг хүслээ.

Гавьяат эдийн засагч, доктор Намжаагийн ДАШЗЭВЭГ" хэмээжээ.

Б.Ирээдүй