З.ЭНХБОЛД МЭДЭН БУДИЛЖ ТӨР САМАРЧ ЭХЭЛЛЭЭ

С.Баяр, М.Энхсайхан нарыг Элчин сайдаас нь эгүүлэн татна гэсэн Х.Баттулга Ерөнхийлөгчийн зөвшилцлийн бичигт УИХ-ын Тамгын газар хариу өгчээ.

УИХ-ын даргаар ажиллаж байсан одоогийн ЕТГ-ын дарга З.Энхболдод, "...хуульд заасан журмын дагуу Засгийн газрын санал болгосноор Ерөнхийлөгч өөрийн бүрэн эрхийн хүрээнд элчин сайдыг эргүүлэн татах, томилох асуудлыг УИХ-д ирүүлж, зөвшилцдөг. Хуулийн энэ зохицуулалт 1992 оноос хойш ямар ч салаа утгагүй хэрэглэгдэж ирсэн бөгөөд үе үеийн Ерөнхийлөгч өөрийн гарын үсэг бүхий албан бичгээр УИХ-д харилцаж ирсэн болохыг Танд үүгээр мэдэгдэж байна. Цаашид хүчин төгөлдөр үйлчилж байгаа МУ-ын хууль тогтоомжийн хүрээнд УИХ, Ерөнхийлөгчийн харилцааны хэвшин тогтсон ажил хэргийн уламжлалыг алдагдуулахгүйгээр УИХ-тай харьцаж байхыг хүсье" гэсэн хариу өгчээ.