Хөвсгөл аймагт ойн түймэр гарчээ

Хөвсгөл аймгийн Рэнчинлхүмбэ сумын Далайн зах багийн нутаг дэвсгэрт байрлах “Бугад хаш” гэх газарт ойн гал түймэр гарсан тухай мэдээллийг 2026 оны 09 дүгээр сарын 15-ны өдрийн 09:48 цагт хүлээн авчээ. Тус сумын Мэргэжлийн ангийн алба хаагчид болон орон нутгийн иргэд хамтран гал түймрийг унтраах ажиллагааг зохион байгуулж, 12:45 цагт цурамд оруулан, 15:42 цагт бүрэн унтраасан байна. Урьдчилсан байдлаар түймэрт 0.8 га орчим ойн талбай өртсөн бөгөөд хүний амь нас, эрүүл мэндэд хохирол учраагүй байна. “Бугад хаш” нь аймгийн төвөөс зүүн хойд зүгт 145 км, Рэнчинлхүмбэ сумын төвөөс зүүн зүгт 48 км зайд оршдог байна.