ИМПОРТ ӨМНӨХ ОНООС 431.5 САЯ АМЕРИК ДОЛЛАРААР ӨСЧЭЭ

Үндэсний статистикийн хорооны мэдээлснээр энэ оны эхний хагас жилийн байдлаар Гадаад худалдааны нийт бараа эргэлт 5.0 тэрбум америк долларт хүрчээ. Харин экспорт 3.1 тэрбум ам.доллар, импорт 1.9 тэрбум ам.доллар хүрээд байгаа аж. Тэгвэл нийт бараа эргэлтийн хэмжээ өмнөх оны мөн үеэс 1.3 тэрбум ам.доллар, үүнээс экспорт 913.3 сая ам.доллараар, импорт 431.5 сая ам.доллараар өссөн байна.

Тиймээс экспорт өмнөх оны мөн үеэс 913.3 сая ам.доллараар өсөхөд эрдэс бүтээгдэхүүний экспорт 960.9 сая ам.доллар, үүнээс нүүрсний экспорт 989.2 сая ам.доллараар өссөн нь голлон нөлөөлсөн байна.
Импорт өмнөх оны мөн үеэс 431.5 сая америк доллараар өсөхөд эрдэс бүтээгдэхүүний импорт 148.2 сая ам.доллар, үүнээс дизелийн түлш 108.0 сая ам.доллар өссөн аж. Түүнчилэн автобензин 30.1 сая ам.доллараар, машин, механик төхөөрөмж, цахилгаан хэрэгсэл, тэдгээрийн сэлбэг, эд анги 99.1 сая ам.доллараар, тээврийн хэрэгсэл, тэдгээрийн эд анги 96.3 сая ам.доллараар өссөн нь голлон нөлөөлсөн аж.

С.Долгорсүрэн