2026 оны бие бүрэлдэхүүний сургалт, бэлтгэлийн жилийн II үеийн нээлтийн арга хэмжээг зохион байгууллаа

Онцгой байдлын байгууллагын 2026 оны сургалт бэлтгэлийн төлөвлөгөөг хэрэгжүүлэх, хичээл сургалтын чанар, үр дүнг дээшлүүлэх, алба хаагчдын мэргэжлийн ур чадвар, хариуцлага, хувь хүний хөгжлийг сайжруулах зорилгоор сургуулийн жилийн 2 дугаар үеийн нээлтийн үйл ажиллагааг 2026 оны 09 дүгээр сарын 11-ний өдөр нийслэлийн Онцгой байдлын газар, Чингэлтэй дүүргийн Онцгой байдлын хэлтэс хамтран зохион байгууллаа.

Арга хэмжээг нээж, нийслэлийн Онцгой байдлын газрын дарга, хурандаа Г.Галбадрах "Бие бүрэлдэхүүний сургалт, дадлага, бэлтгэлийг орчин үеийн дэвшилтэт техник, технологи, шинэ арга барилаар зохион байгуулж, алба хаагчдын мэргэжлийн ур чадвар, сэтгэл зүйн болон бие бялдрын бэлтгэлжилтийг дээшлүүлэх, хөдөлмөрийн аюулгүй ажиллагааг хангах, сахилга ёс зүйг баримтлан ажиллах” үүрэг чиглэл өгч, нийт алба хаагчдад хичээл сургалтын үйл ажиллагаанд нь амжилт хүслээ.

 
Сургалтаар бие бүрэлдэхүүнд:
Харилцан ажиллагааны хүрээнд Чингэлтэй дүүргийн Засаг даргын Тамгын газрын Цэргийн штабын төлөвлөлт, сургалтын офицер, хошууч Г.Билгүүнбаатар “Эх оронч үзэл” сэдвээр,
Гэр бүл судлаач, көүч Б.Бүрэнжаргал “Өөрийгөө сэргээх нь бусдад хүн болохын үндэс” сэдвээр тус тус сургалт зохион байгуулж мэдээлэл өглөө.

Бие бүрэлдэхүүний сургалт, бэлтгэлийн жилийн II үеийн нээлтийн арга хэмжээний үеэр Чингис хаан Үндэсний музей нийгмийн хариуцлагын хүрээнд Нийслэлийн Онцгой байдлын газар, Чингэлтэй дүүргийн Онцгой байдлын хэлтэс, Гал түймэр унтраах, аврах 10, 86 дугаар ангийн алба хаагчдыг хүлээн авч, музейн үйл ажиллагаа, түүх, соёлын өвтэй танилцуулсан нь онцлог байлаа