Согтуугаар жолоо барьсан жолооч 11 настай хүүхэд мөргөж гэмтээжээ

Энэ оны есдүгээр сарын 13-ны өдөр Сүхбаатар дүүрэгт “Хүүхэд автомашинд дайруулсан” гэх дуудлага, мэдээлэл цагдаагийн байгууллагад бүртгэгджээ. Шалгалтаар “Toyota Prius” маркийн автомашины жолооч нь согтууруулах ундаа хэрэглэсэн үедээ тээврийн хэрэгсэл жолоодож яваад 11 настай хүүхдийг мөргөж, гэмтээсэн нөхцөл байдал тогтоогдсон байна. Уг хэргийг Тээврийн цагдаагийн албаны Мөрдөн шалгах хэлтэст шалгаж байна.

Иймд жолооч та согтууруулах ундаа хэрэглэсэн үедээ тээврийн хэрэгсэл жолоодохгүй байх, өөрийн болон бусдын амь нас, эрүүл мэнд, аюулгүй байдлыг хангахыг цагдаагийн байгууллагаас анхааруулж байна.