Б.Пүрэвдагва: Хотын төсөв даргын мөнгө биш, иргэн таны төлсөн татвар

Нийслэлийн засаг дарга бөгөөд Улаанбаатар хотын захирагчийн үүрэгт ажлаа аваад 100 хонож байгаа хотын мээр өнөөдөр ирэх жилүүдэд хийх ажлын бодлого, зорилтоо олон нийтэд нээлттэй танилцууллаа. Иргэндээ ээлтэй хотыг хөгжүүлэх зорилт дэвшүүлж хот гэдэг их айлын удирдлагыг авсан тэрээр нийслэлийн төсвийг хаалттай биш, Иргэдийн хяналтад байлгахаа онцоллоо. Татвар төлөгчдийн мөнгөөр бүрдсэн хотын төсвийн мөнгө хотын дарга болон удирдлагуудын мөнгө биш. Төсвийн хаалттай нууц байлгах бус, Иргэдийн хяналтад байлгах юм байна. Энэ хүрээндээ “Open Ulaanbaatar” системд 2026 оны 221 хөрөнгө оруулалтын төсөл, стратегийн 16 мега төслийн төсөв, гүйцэтгэгч, явцыг нээлттэй болгожээ. Нэг үгээр хэлбэл нийслэлийн иргэн та сар бүр, улирал бүр, жил бүр төлж буй таны татвар хэрхэн, ямар бүтээн байгуулалт, ямар эрх зүйн орчны шинэчлэл, дэвшил болж буйг хянах боломж бүрдлээ гэсэн үг. Нийслэлчүүд нууц далд мэдээлэл, төсөвт хяналт тавих гэж хардах бус нэгэнт нээлттэй болсон мэдээлэл, төсөв хувиарлалтад хяналт тавьж эхлэх нь.