286.3 грамм “өвс” хууль бусаар хадгалсан хэрэг шүүхэд шилжлээ

Б.Г нь 2024 оны есдүгээр сарын 20-ны өдөр тетрагидроканнабинолын агууламжтай, “өвс” гэх нэршилтэй ургамлыг худалдаалах зорилгогүйгээр хууль бусаар түүж бэлтгэсэн, улмаар гэртээ нийт 286.3 грамм жинтэй хориглосон сэтгэцэд нөлөөт бодис хадгалсан гэх хэрэгт холбогджээ.

Прокуророос түүнд Эрүүгийн хуулийн 20.7 дугаар зүйлийн 1 дэх хэсэгт заасан буюу хориглосон мансууруулах эм, сэтгэцэд нөлөөт бодисыг худалдаалах зорилгогүйгээр хууль бусаар олж авах, хадгалах гэмт хэрэгт яллах дүгнэлт үйлдсэн байна. 

Улмаар хэргийг Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд шилжүүлжээ.