“Сэтгэцэд нөлөөт бодис “мөс”-ийг худалдаалж, мөнгө угаасан гэх хэргийг шүүхэд шилжүүлжээ

Б.Б, А.О, Б.Ц, М., М.О нар нь бүлэглэн 2024 оны нэгдүгээр сараас 2025 оны хоёрдугаар сар хүртэлх хугацаанд метамфетамины агууламжтай, “мөс” гэх хэрэглээний нэршилтэй хориглосон сэтгэцэд нөлөөт бодисыг худалдаалах зорилгоор хууль бусаар олж авч, хадгалсан гэх хэрэгт холбогджээ.

Тэд уг бодисыг бусдад олон удаагийн үйлдлээр удаа дараа худалдан борлуулж, их хэмжээний ашиг олсон бөгөөд олсон орлогоо мөнгө угаасан гэх үйл баримтыг прокурор тогтоосон байна.

Иймд Б.Б, А.О, Б.Ц, М., М.О нарт Эрүүгийн хуулийн 20.7 дугаар зүйлийн 2 дахь хэсэгт заасан хориглосон сэтгэцэд нөлөөт бодисыг худалдаалах зорилгоор хууль бусаар олж авсан, хадгалсан, бусдад худалдсан, мөн хуулийн 18.6 дугаар зүйлийн 1 дэх хэсэгт заасан мөнгө угаах гэмт хэрэгт холбогдуулан яллах дүгнэлт үйлдсэн байна.

Уг хэргийг Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхэд шилжүүлжээ.

Эрүүгийн хуулийн 20.7 дугаар зүйлийн 2 дахь хэсэг нь мансууруулах эм, сэтгэцэд нөлөөт бодисыг худалдаалах зорилгоор хууль бусаар олж авах, хадгалах, тээвэрлэх, бусдад худалдах зэрэг үйлдлийг гэмт хэрэгт тооцдог.