Орон сууцны гэрчилгээ түргэн гаргуулахын тулд хахууль өгсөн хэргийг шүүхэд шилжүүлжээ

Г.Н, Д.А нар нь Баянзүрх дүүргийн 42 дугаар хороонд байрлах орон сууцны гэрчилгээг түргэн шуурхай гаргуулах зорилгоор дүүргийн Эд хөрөнгийн эрхийн улсын бүртгэгч Д.А-д 2024 оны гуравдугаар сарын 6-ны өдөр хахууль өгсөн хэрэгт холбогджээ.

Тэдний үйлдлийг Эрүүгийн хуулийн тусгай ангийн 22.5 дугаар зүйлийн 1 дэх хэсэгт заасан “Хахууль өгөх” гэмт хэрэгт хамааруулан прокуророос яллах дүгнэлт үйлдсэн байна. Улмаар хэргийг Дүүргийн Эрүү, Иргэний хэргийн хялбар ажиллагааны анхан шатны тойргийн шүүхэд шилжүүлжээ.

Эрүүгийн хуулийн 22.5 дугаар зүйлд хахууль өгөх гэмт хэргийг хуульчилсан байдаг.