Ойн газрыг 11 иргэнд хууль бусаар эзэмшүүлжээ

Нийслэлийн прокурорын газраас нийтийн албан тушаалтнуудтай холбоотой авлигын хэргүүдийн нэгийг шүүхэд шилжүүлсэн байна.

Тодруулбал, Б.Б, Б.У нар нь … дүүргийн Газар зохион байгуулалтын албаны газар зохион байгуулагчаар ажиллаж байхдаа иргэн Э.М-тэй бүлэглэн, ойн сан бүхий газарт 11 иргэнд тус бүр 500 м.кв газрыг 15 жилийн хугацаатай эзэмшүүлэх тухай дүүргийн Засаг даргын А/799 дугаар захирамж гаргуулсан хэрэгт холбогджээ.

Ингэснээр хууль бусаар газар эзэмших нөхцөл бүрдүүлж, давуу байдал бий болгосон гэж үзэн Эрүүгийн хуулийн 22.1 дүгээр зүйлийн 1 дэх хэсэгт зааснаар яллах дүгнэлт үйлдсэн байна.

Хэргийг Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд шилжүүлжээ.