Цэргийн ангиасаа гараад сураггүй хоёр сар болсон алба хаагчийг эрэн сурвалжилж байна

Ц.Лхагвасүрэн нь 2023 оноос хойш Зэвсэгт хүчний 032 дугаар ангид ажиллаж байсан бөгөөд 2022-2023 онд Өмнөд Судан Улсад явагдсан “UNMISS” энхийг дэмжих ажиллагаанд үүрэг гүйцэтгэж байжээ. Монгол Улсын Ерөнхийлөгчийн 2024 оны арваннэгдүгээр сарын 22-ны өдрийн 173 дугаар зарлигаар “Энхийн төлөө” медалиар шагнагдсан байна.

Тэрбээр цэрэгжилтийн спортын мастер, олс таталтын спортын мастер, гар суниалтын спортын дэд мастер цолтой, цэргийн мэргэжлийн III зэрэгтэй, морь малд сайн, спортын амжилттай нэгэн аж.

Ар гэрийнхний мэдээлснээр Ц.Лхагвасүрэн долдугаар сарын 9-нд цол хүртсэнээсээ хойш ажилдаа ирээгүй бөгөөд гэр бүлийнхэнтэйгээ холбоо бариагүй байна. Тухайн үед эгчийнх нь цахим хаягт “утсаа жорлонд унагасан, ярих боломжгүй байна” гэх агуулгатай зурвас ирсэн ч уг зурвасыг өөр хүн бичсэн байж болзошгүй гэж ар гэрийнхэн нь үзэж байгаа аж.

Мөн ажлын газрынхантайгаа цахимаар харилцсан гэх зарим мэдээлэлд зөрүүтэй зүйлс байгааг ар гэрийнхэн нь хэлж, Ц.Лхагвасүрэн Хөвсгөлд байна гэх мэдээлэл өгч, усанд сэлж буй зураг явуулсан ч уг зураг нь хэдэн жилийн өмнөх зураг байсан гэж мэдэгдсэн байна.

Түүнчлэн түүнийг хамгийн сүүлд харсан байж болзошгүй хүмүүсийн мэдээлэл хоорондоо зөрүүтэй байгаа нь ар гэрийнхэнд нь эргэлзээ төрүүлж байгаа ажээ.

Ар гэрийнхэн нь наймдугаар сарын 19-нд Баянзүрх дүүргийн цагдаагийн байгууллагад өргөдөл гарган, Ц.Лхагвасүрэнг эрэн сурвалжлуулах хүсэлт гаргажээ.

Ц.Лхагвасүрэн нь 1.60 орчим метр өндөр, 65 кг жинтэй, баруун талын завьжнаас доош урссан бор мэнгэтэй.

Түүнийг харсан, байгаа газрыг нь мэдэх хүн байвал ар гэрийнхэнд нь мэдээлэхийг хүсэж байна.

Холбогдох утас: 89232312, 99924981, 99913895

Ар гэрийн хүсэлтээр нийтлэв.