Эмзэг байдлыг нь далимдуулан хүнийг хүчээр биеийг нь үнэлүүлсэн гэх хэрэгт хоёр иргэнийг шалгаж байна

Б.А, Ц.Л нар нь бүлэглэн 2025 оны есдүгээр сараас арваннэгдүгээр сарын хооронд нэр бүхий хохирогчийн эмзэг байдлыг далимдуулан биеийг нь үнэлүүлэх зорилгоор олон нийтийн сүлжээнд “санхүү авна” гэх зар байршуулсан гэх хэрэгт холбогджээ.

Тэд хохирогчийг Баянгол дүүрэгт байрлах орон сууцанд хүч хэрэглэн, хүч хэрэглэхээр заналхийлж, орогнуулсан бөгөөд улмаар нийслэлийн нутаг дэвсгэрт тээврийн хэрэгслээр тээвэрлэн бусдад биеийг нь үнэлүүлж, худалдаалсан гэх нөхцөл байдал тогтоогджээ.

Уг үйлдэлд Б.А, Ц.Л нарыг Эрүүгийн хуулийн 13.1 дүгээр зүйлийн 1 дэх хэсэгт заасан “биеийг нь үнэлүүлэх зорилгоор хүн худалдаалсан” гэмт хэрэгт холбогдуулан шалгаж байна.