Суудлын автомашин онхолдож, нэг хүн автомашины төмөр хийцэд хавчуулагджээ

Говьсүмбэр аймгийн Сүмбэр сумын Мөнх багийн “Тэрэгт” гэх газарт суудлын автомашин автозамын хажуу руу онхолдож, нэг хүн хавчуулагдсан тухай дуудлага наймдугаар сарын 31-ний өдрийн 07:58 цагт бүртгэгджээ.

Дуудлагын дагуу Говьсүмбэр аймгийн Онцгой байдлын газрын 37 дугаар ангийн алба хаагчид хэргийн газарт очиход Орхон аймгаас Говьсүмбэр аймгийн Шивээговь сумын чиглэлд зорчиж явсан иргэн С-ийн жолоодож явсан “Toyota Alphard” загварын суудлын автомашин автозамын хажуу руу онхолдсон байжээ.

Ослын улмаас 37 настай эмэгтэй С-ийн баруун гар автомашины төмөр хийцэд хавчуулагдсан байсныг аврагчид ажиллан эсэн мэнд гаргаж, холбогдох хүмүүст хүлээлгэн өгсөн байна.