8-р сард 924 залилах гэмт хэрэг гарчээ

Прокурорын байгууллага энэ оны эхний 8 сарын байдлаар нийт 30,597 залилах гэмт хэрэгт хэрэг бүртгэлт, мөрдөн байцаалт явуулжээ. Үүнээс 16,271 буюу 53.2 хувь нь тухайн онд бүртгэгдэн шалгагдсан хэргүүд байна. Шинээр гарсан 16,271 хэргийн 924 нь зөвхөн 8 дугаар сард бүртгэгдсэн байна. Жил бүрийн наймдугаар сараас эхлэн хөдөө орон нутгаас Улаанбаатар хотыг чиглэсэн иргэдийн хөдөлгөөн нэмэгддэг. Үүнтэй холбоотойгоор иргэдийн яарсан, анхаарал болгоомж суларсан нөхцөл байдлыг ашиглан залилах гэмт хэрэг үйлдэгдэх нь ихэсдэг. Иймд иргэд та бүхэн аливаа зар мэдээлэлд шууд итгэлгүйгээр сайтар нягталж, шалгах нь зүйтэй болохыг анхааруулав.