Жэжүд алга болсон эмэгтэйн цогцсыг 104 хоногийн дараа олжээ

Жэжүд хүн алга болсон гэх хэргүүд нэмэгдэх болсон талаар БНСУ-ын хэвлэл мэдээлэл мэдэгдэв. Өнгөрсөн 2025 онд гэхэд жэжүд 786 орчим хүн алга болсон гэх мэдээлэл бүртгэгджээ. 2026 оны 7 дугаар сарын эцсийн мэдээллээр мөн 370 хүн алга болсон гэж бүртгэгдсэн байна. Хүн алга болох тохиолдол тус бүсэд буурахгүй байна. Өнгөрсөн бямба гарагаас хойш Жэжүд дөрвөн хүний цогцос олдсон бөгөөд “алга болсон” гэж бүртгэгдээд удалгүй хаагдсан хоёр тохиолдол ч байгаа юм.

Алга болсон гэж бүртгэгдсэнээс хойш 104 хоногийн дараа Жан Ми Ран гэх 37 настай эмэгтэйн цогцос олдоод байна. Түүнийг 5 дугаар сарын 12-нд гэрээсээ гарч явснаас хойш гурав хоногийн дараа алга болсон талаар цагдаагийн байгууллагад мэдэгджээ. Тухайн үед шөнийн ээлжинд байсан цагдаагийн офицер А мэдээлэл хүлээн авчээ. Мэдээлэл хүлээн авснаас хоёр цагийн дараа А офицер дуудлага өгсөн хүнд "Бид холбоо барьсан боловч тэр байршлаа хэлэхийг хүсэхгүй байна" гэж худал хэлж, хэргийг хаасан тул эрэл хайгуул хийж ббайсан цагдаагийн офицерууд ажиллагаагаа зогсоосон байна. 

Мөн өнгөрсөн долоодугаар сарын 2-ны өдөр А жижүүрийн үүрэг гүйцэтгэж байхдаа 60 орчим насны эрэгтэй алга болсон тухай мэдээлэл хүлээн авчээ. Уг хэргийг ч мөн хуурамчаар хаасан гэх мэдээлэл байна. 60 орчим насны эрэгтэйн цогцос 55 хоногийн дараа олдсон байна. 

Ийнхүү “алга болсон” гэх дуудлагыг хүлээн авсан цагдаагийн албан хаагч удаа дараа хэргийг хаасан нь ил болоод буй. Түүнийг баривчилж шалгаж эхэлснээр уг дуулиан улам бүр гүнзгийрч байна.

Эх сурвалж: 제주 실종 허위종결 경찰 왜 그랬나…범행 동기 미스터리 | 연합뉴스