Биокомбинатад 280 хүүхдийн ортой бага сургууль, цэцэрлэгийн цогцолбор ашиглалтад оржээ

Хан-Уул дүүргийн 12 дугаар хорооны Биокомбинатад 280 хүүхдийн ортой бага сургууль, цэцэрлэгийн цогцолборыг ашиглалтад оруулж, улсын комисст хүлээлгэн өгчээ.

Тус цогцолборыг нийслэлийн төсвийн хөрөнгө оруулалтаар барьсан бөгөөд бага сургууль, цэцэрлэгийн барилгаас гадна гадна тоглоомын талбай, ногоон байгууламж, спорт заалтай аж. Барилга угсралтын ажлыг “Жавхланттур” ХХК гүйцэтгэжээ.

Уг бүтээн байгуулалт нь шинэ суурьшлын бүсэд бага сургууль, цэцэрлэгийн хүртээмжийг нэмэгдүүлж, ерөнхий боловсролын сургуулийн ачааллыг бууруулах зорилтын хүрээнд хэрэгжсэн байна.