Бүлэглэн хүн хулгайлж, дээрэмдэн, зодсон этгээдүүдэд холбогдох хэргийг шүүхэд шилжүүлжээ

Б.Б, М.Д, Б.Т нар нь бүлэглэн, нэр бүхий хохирогчийн эсэргүүцэл үзүүлэх чадваргүй байдлыг ашиглан эрхшээлдээ оруулж, тээврийн хэрэгсэлд хүч хэрэглэн суулгаж авч явсан гэх хэрэгт холбогджээ.

Мөн Б.Б нь хохирогчийн гар утсыг дээрэмдэн, 180 мянган төгрөгийн хохирол учруулсан бөгөөд бие махбодод нь халдаж зодон, эрүүл мэндэд нь хөнгөн хохирол санаатай учруулсан гэх үйлдэлд яллагдаж байна.

Прокуророос дээрх үйлдэлд Эрүүгийн хуулийн 13.2 дугаар зүйлийн 1 дэх хэсэгт заасан хүн хулгайлах, 13.5 дугаар зүйлийн 1 дэх хэсэгт заасан заналхийлэх, 17.2 дугаар зүйлийн 2 дахь хэсэгт заасан дээрэмдэх, 11.6 дугаар зүйлийн 2 дахь хэсэгт заасан хүний эрүүл мэндэд хөнгөн хохирол санаатай учруулах гэмт хэрэгт тус тус яллах дүгнэлт үйлдсэн байна.

Уг хэргийг Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд шилжүүлжээ