Монголын ойн салбарын тогтвортой хөгжлийг дэмжих санхүүжилтийн хамтын ажиллагааг эхлүүллээ

Монгол Улсын Засгийн газар болон Европын хөрөнгө оруулалтын банк (EIB) хооронд Монгол орны ойн салбарын тогтвортой хөгжлийг дэмжих чиглэлээр 100 хүртэлх сая еврогийн хөрөнгө оруулалтын “Эрмэлзлийн бичиг” байгуулж, Европын Холбооноос буцалтгүй тусламжийн болон баталгаанд 19 хүртэлх сая еврогийн санхүүжилтийн бүрдүүлэн, Монгол-Европын Холбооны Ойн түншлэлийн хүрээнд хамтын ажиллагааны шинэ үеийг эхлүүллээ.

Өнөөдөр 2026 оны 8 дугаар сарын 24-ний өдөр болсон гарын үсэг зурах ёслолд Монгол Улсын Ерөнхий сайд Ням-Осорын Учрал оролцож, Монгол орны ойг хамгаалах, нөхөн сэргээх, ойн салбарын тогтвортой хөгжлийг дэмжихэд чиглэсэн энэхүү хамтын ажиллагааны ач холбогдлыг онцоллоо.

Энэхүү хөрөнгө оруулалт нь зөвхөн мод тарихаар хязгаарлагдахгүй бөгөөд байгалийн ойг хамгаалах, доройтсон ойн санг нөхөн сэргээх, ойн менежмент болон технологийн шинэчлэлийг дэмжих, улмаар орон нутагт бизнесийн боломжийг нэмэгдүүлэх, ажлын байр бий болгох, иргэдийн амьжиргааг дээшлүүлэх зэрэг олон талын үр өгөөжийг бий болгоно.

Ой бол байгаль хамгааллын төдийгүй эдийн засаг, нийгмийн тогтвортой хөгжлийн үндэс юм.

Монгол Улсын “Тэрбум мод” үндэсний хөдөлгөөн болон ойн салбарын урт хугацааны зорилтуудыг хэрэгжүүлэхэд олон улсын санхүүжилт, дэвшилтэт технологи, мэргэжлийн хамтын ажиллагааг татан оролцуулах нь ойн нөөцийг хамгаалах, нөхөн сэргээх, тогтвортой ашиглахад чухал ач холбогдолтой.