“Эрчим хүчний гудамж ЭКСПО – 2026” наймдугаар сарын 25-нд эхэлнэ

Улаанбаатар хотын баруун бүсийн иргэдийн худалдаа, үйлчилгээний хэрэгцээг нэг дороос хангах зорилготой “Нарст” худалдаа, үйлчилгээний төв наймдугаар сарын 25-нд албан ёсоор нээлтээ хийх гэж байна.

Баянгол дүүргийн 20 дугаар хороо, Эрчим хүчний гудамж дагуу байрлах тус төв нь 27 мянган ам метр талбайтай бөгөөд худалдаа, үйлчилгээ, бизнесийн шинэ төвлөрлийг бий болгож, баруун бүсийн иргэдэд ойр, хүртээмжтэй үйлчилгээг нэг дороос авах боломжийг бүрдүүлж байгаа аж.

Одоогоор төвийн нийт талбайн 40 орчим хувь ашиглалтад орсон бөгөөд үлдсэн түрээслэгчид дотоод засвар, тохижилтын ажлаа хийж байна.

“Нарст” төвд ямар үйлчилгээнүүд байх вэ?

Нэгдүгээр давхарт “Соёолж Гарден Центр”, хүнсний зах, ХААН Банк, CU сүлжээ дэлгүүр, эмийн сан, авто засвар үйлчилгээ, кофе шоп болон худалдаа, үйлчилгээний төрөл бүрийн байгууллага ажиллаж байна.

Хоёрдугаар давхарт барилгын материал, авто гоёл, дагалдах хэрэгсэл, гэр ахуйн бараа, хөдөлмөрийн аюулгүй байдал, эрүүл ахуйн хэрэгсэл, уул уурхайн тоног төхөөрөмжийн худалдаа, үйлчилгээ төвлөрчээ.

Гуравдугаар давхарт снүүкер, биллиард, караоке, Food Court болон амралт, чөлөөт цагийн үйлчилгээ ажиллах юм. Зарим түрээслэгч байгууллагын засвар, тохижилтын ажил үргэлжилж байгаа бөгөөд үе шаттайгаар үйл ажиллагаагаа эхлүүлэхээр төлөвлөжээ.

“Эрчим хүчний гудамж ЭКСПО – 2026” болно

“Нарст” худалдаа, үйлчилгээний төвийн нээлтийн хүрээнд гурван үе шаттай арга хэмжээний эхний хэсэг болох “Эрчим хүчний гудамж ЭКСПО – 2026” үзэсгэлэн худалдааг наймдугаар сарын 25-28-ны өдрүүдэд зохион байгуулна.

Үзэсгэлэн худалдаанд үйлдвэрлэгч, импортлогч, худалдаа үйлчилгээний байгууллага болон бизнес эрхлэгчид оролцож, бүтээгдэхүүн, үйлчилгээгээ олон нийтэд танилцуулах юм.

Тухайлбал, дараах чиглэлийн байгууллагууд оролцоно. Үүнд:

• Барилгын материал
• Барилга, үйлдвэрийн тоног төхөөрөмж
• Бетон зуурмаг, арматур
• Хүнсний үйлдвэрлэл
• Худалдаа, үйлчилгээ
• Үйлдвэрлэл
• Авто болон уул уурхайн бүтээгдэхүүн, тоног төхөөрөмж
• Бусад төрлийн аж ахуйн нэгж, бизнес эрхлэгчид

“Эрчим хүчний гудамж ЭКСПО – 2026” нь үйлдвэрлэгч, худалдаа эрхлэгчдэд бүтээгдэхүүн, үйлчилгээгээ сурталчлах, шинэ харилцагчтай болох, хамтын ажиллагаагаа өргөжүүлэх боломжийг бүрдүүлэх юм.

Байршил: Улаанбаатар хот, Баянгол дүүрэг, 20 дугаар хороо, Эрчим хүчний гудамж, “Нарст” худалдаа, үйлчилгээний төв

Хугацаа: 2026 оны наймдугаар сарын 25-28

Иргэд та бүхнийг “Нарст” худалдаа, үйлчилгээний төвийн албан ёсны нээлт болон “Эрчим хүчний гудамж ЭКСПО – 2026” үзэсгэлэн худалдаанд хүрэлцэн ирж, худалдаа, үйлчилгээний шинэ төвтэй танилцахыг урьж байна.

“НАРСТ” – БАРУУН БҮСИЙН ХУДАЛДАА, ҮЙЛЧИЛГЭЭНИЙ ШИНЭ ТӨВ