Чингэлтэй дүүрэг Японы зах зээлд карбон кредит арилжаална

Чингэлтэй дүүрэг Япон Улсын карбон кредитийн зах зээлд нүүрстөрөгчийн (CO2) кредит арилжаалах чиглэлээр “Unilead” компанитай хамтран ажиллах гэрээнд гарын үсэг зурлаа.

Төслийг Монгол Улсын Боловсролын яам бодлогын түвшинд дэмжиж, Японыталаас “Unilead” компани хөрөнгө оруулалт болон төслийн хэрэгжилтийг хариуцанажиллана.

Хамтын ажиллагааны хүрээнд эхний ээлжид Чингэлтэй дүүргийн 149 дүгээр сургуульд сэргээгдэх эрчим хүчний төсөл хэрэгжүүлж, сургуулийн барилгын дээвэрт нарны цахилгаан үүсгүүр суурилуулах юм. Тухайн сургууль нарны сэргээгдэх эрчим хүч ашигласнаар уламжлалт эх үүсвэрээс авах цахилгааны хэрэглээ буурч, цаашлаад нүүрстөрөгчийн ялгаруулалт багасна. Улмаар нарныэрчим хүч ашигласнаар буурсан нүүрстөрөгчийн ялгарлыг Монгол, Япон улсынJCM (Joint Crediting Mechanism буюу Хамтарсан кредитжүүлэх механизм)-ын дагуутооцож, баталгаажуулна. Ингэснээр нүүрстөрөгчийн бууралтаас бий болсонкарбон кредитийг Японы хувийн хэвшлийн компаниудад арилжаалж, төслөөснэмэлт орлого бий болгох боломжтой.

149 дүгээр сургуульд хэрэгжүүлэх энэхүү төсөл жишиг загвар болжамжилттай хэрэгжсэнээр ойролцоогоор 100–150 ерөнхий боловсролын сургуульднарны эрчим хүчний систем суурилуулах боломж бүрдэнэ. 

Энэ нь зөвхөн нарны цахилгаан үүсгүүр суурилуулах төсөл бус, цаашдын эрчим хүчний тогтвортой байдлыг хангах, нүүрстөрөгчийн ялгарлыг бууруулах, карбон кредитийн арилжаанд оролцох замаар байгаль орчны болон эдийн засгийн үр өгөөжийг хослуулсан жишиг загвар болох юм.