Дорноговьд 500 хүнд зориулсан “ДЭЛХИЙН ХАМГИЙН ТОМ МОНГОЛ ГЭР” бий

Дорноговь аймгийн Хатанбулаг сумын Ханги хилийн боомтын ойролцоо дэлхийн хамгийн том монгол гэрт тооцогддог 36 ханатай гэр бий.

Тус гэр нь 28.81 метрийн диаметртэй, 14 метр өндөр, 1000 м² талбайтай бөгөөд нэг дор 500 хүртэл хүн хүлээн авах хүчин чадалтай. 2018 онд Гиннесийн дээд амжилтын номд дэлхийн хамгийн том монгол гэрээр бүртгэгджээ.

Гэрийг “Сэлэнгэ” үйлдвэрийн урчууд дөрвөн сарын хугацаанд урлаж, 12 хоногт барьж босгосон байна. Нийт 1800 метр эсгийгээр бүрсэн бөгөөд уламжлалт монгол гэрийн хийцийг хадгалсан дөрвөн баганатай аж.

Өвөрмонголчуудын хөрөнгө оруулалтаар баригдсан уг гэрийг цаашид аялал жуулчлал, хүлээн авалт болон жуулчдыг байрлуулах зориулалтаар ашиглахаар төлөвлөжээ.

Ханги боомт нь Сайншандаас 280 орчим км зайтай бөгөөд гэрийн ойролцоо нуур тойром, улиас, хайлаас бүхий говийн баян бүрд байдаг байна.