Зам тээврийн ослоос үүдэн 297 хүн амь насаа алдаж, 1578 хүн гэмтэж, гэмтсэн байна

O.Аззаяа

1 цагийн өмнө

Энэ оны эхний 6 сарын байдлаар цагдаагийн байгууллагад 2330 зам тээврийн осол бүртгэгдэж 297 хүн амь насаа алдаж 1578 гэмтэж бэртсэн харамсалтай тохиолдол бүртгэгджээ.

Дээрх бүртгэгдсэн зам тээврийн ослын дийлэнх нь жолооч замын хөдөлгөөний дүрэм зөрчих, анхаарал болгоомжгүй хөдөлгөөнд оролцох, тогтоосон хурдыг хэтрүүлэх, согтууруулах ундаа хэрэглэсэн үедээ тээврийн хэрэгсэл жолоодох зэрэг хүний буруутай үйлдлээс шалтгаалан гарч байна.

Иргэд жолооч нар замын хөдөлгөөнд оролцохдоо замын нөхцөл байдал, цаг агаар, үзэгдэх орчинд тохируулан хурдны хязгаарыг мөрдөх, тээврийн хэрэгсэл жолоодох болон зорчих үедээ хамгаалах бүсээ тогтмол хэрэглэх, жолоо барих үедээ утсаа ашиглах болон анхаарал сарниулах аливаа үйлдэл гаргахгүй байх, согтууруулах ундаа хэрэглэсэн, мөн ядарсан, нойрмог үедээ тээврийн хэрэгсэл жолоодохгүй байх, тээврийн хэрэгслийн техник бүрэн бүтэн байдлын тогтмол шалгаж хэвшихийг цагдаагийн байгууллагаас анхааруулж байна

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ