0-4 насны хүүхдүүд витамин, даралт, зүрх судасны эм, ууж хордох нь түгэээмэл байна

Үндэсний хэмжээнд 2019–2024 оны эхний хагас жилийн хугацаанд химийн хордлогын нийт 2863 тохиолдол бүртгэгдсэний 52 хувийг 0–17 насны хүүхдүүд эзэлсэн байна. Нийт бүртгэгдсэн тохиолдлын 92.5 хувь нь санамсаргүй хордлого байсан бөгөөд санамсаргүй хордлогод өртсөн 1378 хүүхдийн 74.8 хувь нь 0–4 насныхан байжээ. Хүүхдүүдийн хордлогын гол шалтгаан нь витамин, даралт болон зүрх судасны эм, мөн хлорамин, белизна, хулганы хор зэрэг ахуйн хэрэглээний химийн бодисууд байсан байна.

Эдгээр тоон үзүүлэлт нь бага насны хүүхдүүдийг эм, химийн бодист өртөхөөс урьдчилан сэргийлэх, гэр ахуйн орчинд аюулгүй хадгалалтын дадлыг хэвшүүлэх шаардлага өндөр байгааг харуулж байна.