Р.Булгамаа: Хууль зүйн ямар хариуцлага хүлээх ёстой вэ гэж олон иргэн асуусан байна?

''Urban talk'' гэх youtube сувгаар сошиалаар цацагдсан контентэнд оролцох үеэрээ ёс зүйгүй бусармаг зүйл ярьсан гэж олон нийт дургүйцэл илэрхийлж мөн цагдаагийн байгууллагаас шалгаж байгаа билээ.Энэ асуудлаар хуульч Р. Булгамаа дараах байр суурийг өөрийн цахим хуудаснаа илэрхийлжээ.

Хууль зүйн ямар хариуцлага хүлээх ёстой вэ гэж олон иргэн асуусан байна?

Монгол Улсын хууль тогтоомжийн дагуу #Хүүхдэд садар самууныг сурталчилах, түгээх, үзүүлэх нь эрүүгийн хариуцлага хүлээлгэх үндэслэл болдог.
Эрүүгийн хуулийн 16.8 дугаар зүйл – Хүүхдэд садар самууныг сурталчлах;
Дараах үйлдлийг гэмт хэрэгт тооцдог. #Үүнд: Хүүхдэд садам самууны агуулгатай зураг бичлэг, кино, хэвлэл болон бусад материалыг үзүүлэх, түгээх, #Сурталчилах
Хүүхдийг садар самуун үйлдэлд татан оролцуулах.
Хүүхдэд биеэ үнэлэх, бэлгийн харьцаанд орохыг санал болгох, ятгах
#Хүлээлгэх_хариуцлага; Хоёр мянга долоон зуун нэгжээс таван мянга дөрвөн зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл зургаан сараас нэг жил хүртэл хугацаагаар зорчих эрхийг хязгаарлах, эсхүл зургаан сараас нэг жил хүртэл хугацаагаар хорих ял шийтгэнэ.

Мөн Садар самуун явдалтай тэмцэх тухай хууль-д 18 нас хүрээгүй хүнд садар самуун агуулгатай бүтээгдэхүүн түгээх, худалдах, #сурталчилахыг хориглосон байдаг.

#Хүүхдэд садар самууныг сурталчилах нь #маазрах сэдэв биш, энэ бол гэмт хэргийн шинжтэй үйлдэл...
#Хүүхдийн_эрх, нэр төр аюулгүй байдлыг зөрчсөн аливаа үйлдлийг хошигнол, маазрал контент гэх нэрээр зөвтгөх боломжгүй. Хуулиар хамгаалагдсан харилцаа
Бэлгийн мөлжлөг, хүүхдийн эсрэг бэлгийн агуулгатай аливаа сурталчилгаа бол инээдэм биш. Хууль үйлчилдэг.

Харин Зөрчлийн тухай хуулийн 6.20-д зааснаар #Хэвлэл_мэдээлэл, өргөн нэвтрүүлэг, #цахим_орчны_үйлчилгээ #эрхлэгч өөрийн үйлчилгээнд хүүхдэд хортой агуулгыг хянах, хязгаарлах, хаах арга хэмжээ авах үүргээ биелүүлээгүй бол хүнийг гурван зуун нэгжтэй тэнцэх хэмжээний төгрөгөөр, хуулийн этгээдийг гурван мянган нэгжтэй тэнцэх хэмжээний төгрөгөөр торгох хуулийн зохицуулалттай.
Хуульч Р. Булгамаа. 2026.07.18