Усанд хөвсөн бөмбөгийг авах гэж гол руу ороод амь насаа алджээ

Усанд хөвсөн бөмбөгийг авах гэж гол руу ороод амь насаа алджээ.

Сэлэнгэ аймгийн Шаамар сумын Охь хөндий 2 дугаар багийн нутаг дэвсгэр, "Нүхэн гүүр" орчимд голын усанд хөвж явсан бөмбөгийг авахаар усанд орсон 22 настай, иргэн Д живсэн тухай дуудлагыг
энэ сарын 12-ны өдрийн 17:53 цагт Онцгой байдлын газар хүлээн авсан.
Дуудлагын дагуу тус газрын Эрэн хайх, аврах ангийн алба хаагчид аврах завь, нисгэгчгүй нисэх төхөөрөмж болон шаардлагатай техник, хэрэгслийг ашиглан Орхон голын дагуу эрэн хайх ажиллагааг тасралтгүй зохион байгуулсан.
Эрлийн ажиллагааны үр дүнд энэ сарын 17-ны өдрийн 14:57 цагт буцалтгүй нэрвэгдэгчийг осолдсон газраас доош 20 км-ийн зайд Орхон голын "5 салаа" гэх газраас олж, холбогдох хууль хяналтын байгууллагад шилжүүлэн өгчээ.

Амарч, аялж зугаалахдаа өөрийн болон бусдын аюулгүй байдлыг хангаж, аливаа эрсдэлээс урьдчилан сэргийлэхийг Сэлэнгэ аймгийн онцгой байдлын газраас анхааруулж байна.