Туул голд живж байсан гурван иргэнийг аварчээ

Баянзүрхийн гүүр орчимд завьт эргүүлээр үүрэг гүйцэтгэж байсан алба хаагчид /2026.07.14/ Туул голд урсаж байсан гурван иргэнийг эсэн мэнд аварчээ.

Баяр наадмын амралтын өдрүүд үргэлжилж, гол мөрний эрэг дагуу амарч, зугаалах иргэдийн хөдөлгөөн эрс нэмэгдэж байгаа энэ үед дээрх дуудлага бүртгэгдсэн байна.

Цаг уур, орчны шинжилгээний газраас Туул болон Хэрлэн голын усны түвшин үерийн хэмжээнд хүрснийг анхааруулсан. Иймд иргэдийг архи, согтууруулах ундаа хэрэглэсэн үедээ гол, ус руу орохгүй байх, бага насны хүүхэд, өндөр настан, хөгжлийн бэрхшээлтэй иргэдийн аюулгүй байдлыг сайтар хангаж, гол усны ослоос урьдчилан сэргийлэхийг холбогдох байгууллагаас сэрэмжлүүллээ.