Б.Сүхбат Улаанбаатарын "Их дуулга" тэмцээний хошой медальтан боллоо

Лос Анжелесын олимпын эрхийн оноо олгох нээлтийн тэмцээн болох жүдо бөхийн Улаанбаатарын “Их дуулга”-д Монголын тамирчин, олон улсын хэмжээний мастер Б.Сүхбат хүрэл медаль хүртлээ

Эрэгтэйчүүдийн 60 кг-ын жинд өрсөлдсөн Б.Сүхбат Хятадын Сун Жиахао, БНСУ-ын И Харим, Азербайжаны Ахмад Юсифов нарыг дараалан ялж, хэсгийн аваргаар шалгарсан.

Улмаар хагас шигшээд дэлхийн хошой аварга, Японы Рюүжү Нагаяматай учраа тааран ялагдсан ч хүрэл медалийн төлөөх барилдаанд дэлхийн хошой аварга, Гүржийн Жиоржи Сардалавшилиг вазари үнэлгээгээр ялж, медалийн тавцанд зогсох эрхтэй боллоо.

Ингэснээр Б.Сүхбат “Их дуулга” тэмцээнээс гурав дахь медалиа хүртэж байна.

Энэ жинд Азербайжаны залуу тамирчин Балабай Агаев аваргын алтан медаль хүртсэн бол Японы Рюүжү Нагаяма мөнгө, Израилийн Ижак Ашпиз хүрэл медалийн эзэн боллоо. Харин Балабай Агаев Улаанбаатарын “Их дуулга”-аас зургаа дахь алтан медалиа хүртсэн амжилтаа үзүүлэв.