​М.ЭНХБОЛД НАМЫН ШИНЭ УДИРДЛАГЫГ СОНГОХ САНАЛ ОРУУЛЖЭЭ

Улс төрийн нөлөө бүхий том хүчин болох МАН нь 2017 оны Ерөнхийлөгчийн сонгуульд намын дарга М.Энхболдыг өрсөлдүүлсэн. Гэвч намын дотоод зөрчил, хамтран ажилладаг зарим нэг мэргэжилтнүүдийн ёс зүйгүй, увайгүй үйлдлээс болж ялагдал хүлээгээд буй юм. Сонгуулийн "ялагдал" гэх мэдээтэй давхцан нам доторх зөрчил олон нийтэд илт мэдрэгдэх болсон бөгөөд намын даргын өрсөлдөөний тухай ч чих дэлсэх болоод байгаа билээ.

Тэгвэл М.Энхболд өөрийн фэйсбүүк хуудаснаа

"2017.07.08-ны өдрийн МАН-ын Удирдах зөвлөлийн 10 дугаар хурлаар би дараах асуудлыг оруулж хэлэлцүүлсэн.

Үүнд:

1. Ард түмний сонголтыг хүндэтгэн үзэж, шинэ ерөнхийлөгчийг наадмын өмнө тангараг өргүүлэх,

2. Ерөнхийлөгчийн сонгуулийн үйл ажиллагаа, үр дүнгийн талаар анализ хийж, дүгнэлт гаргах,

3. 2017 оны 09 дүгээр сард намын бага хурлыг зарлан хуралдуулах, сонгуулийн үр дүнгийн талаарх дүгнэлтийг хэлэлцэх, намын их хурлыг товлон зарлах,

4. МАН-ын ээлжит их хурлаар өнгөрсөн 27 дугаар их хурлаас хойших үр дүн, алдаа дутагдлыг авч хэлэлцэх, намын дунд хугацааны зорилго зорилтыг тодорхойлох, намын шинэ удирдлагыг сонгох, 2020 оны сонгуульд бэлтгэх ажлыг эхлүүлэх нь зүйтэй хэмээн санал оруулсныг Удирдах Зөвлөлийн гишүүд дэмжсэн болно." гэжээ.