Эмэгтэйг тасралтгүй 12 цаг хүчирхийлсэн этгээд ... дугаар цэргийн штабын хошууч “П”

Хохирогч хоёр хүүхэдтэй бөгөөд хүүхдүүдийн ааваас салсны дараа хамтран амьдрагчтай болсон байна. Түүний хамтран амьдрагч нь Зэвсэгт хүчний ... дугаар цэргийн штабын хошууч н.Пүрэв гэх хүн байсан. Тэрээр удаа дараа хүчирхийлэл үйлдэж байсан бөгөөд энэ удаагийн тохиолдол нь 32 дахь удаагийн үйлдэл гэж хохирогчийн эгч мэдээлэв.

ЦЕГ: Цагдаагийн байгууллагад 2026.06.15-ны өдөр иргэнээс "...манай дүүг 2026.06.15.14-ний өдөр салсан нөхөр нь ирээд аваад явсан" гэх гомдол, мэдээлэл ирүүлсний дагуу эрэн сурвалжлах ажиллагааг зохион байгуулж иргэн Ц-г салсан нөхөр нь машинтай авч явж биед халдаж, зодсон нөхцөл байдал урьдчилсан байдлаар тогтоогдоод байна. Холбогдогчийг олж тогтоон, хохирогчид эмнэлэгийн байгууллагын тусламж үзүүлсэн. Мөрдөн шалгах ажиллагаа үргэлжилж байна.

Хохирогчийн эгчийн мэдээлснээр, түүний дүү нь хамтран амьдрагчаасаа хэдэн сарын өмнө салсан байсан бөгөөд тухайн этгээд нь Өмнөговь аймгийн Зэвсэгт хүчний ... дугаар цэргийн штабын хошууч н.Пүрэв гэх хүн аж.

Тэрбээр “Сүүлийн удаа уулзъя, хайртай, дуртай гэж хэлээд дүүг маань авч явсан. Улмаар тасралтгүй 12 цагийн турш зодож, хүчирхийлсэн. Энэ нь дүүг маань хүчирхийлсэн 32 дахь удаагийн тохиолдол. Өмнө нь үргэлж нуудаг байсан. Одоогоор биеийн байдал маш хүнд, зүүн бөөр нь бяцарсан байж болзошгүй байна. Бид хот руу явж эмчлүүлэхээр ярилцаж байна гэв.