БНСУ-ын алдарт No Brand брэнд анхны салбараа UB Autocom-д нээнэ

Яармаг бүсийн шинэ төвлөрөл болон худалдаа, үйлчилгээний томоохон цогц орон зай болох UB Autocom нь хэрэглэгчдийн өдөр тутмын хэрэгцээг нэг дор шийдэх зорилгын хүрээнд БНСУ-ын алдарт И-Март компанийн хөгжүүлсэн “No Brand” брэнд Монгол дахь анхны салбараа нээхээр боллоо.

No Brand нь шаардлагагүй зардлыг бууруулж, чанартай бүтээгдэхүүнийг боломжийн үнээр хэрэглэгчдэд хүргэх зорилготойгоор бий болсон Солонгосын нэр хүндтэй хэрэглээний брэнд юм. Өдөр тутмын хүнс, ахуйн хэрэглээ, гэр ахуй болон амьдралын хэв маягт зориулсан өргөн сонголт бүхий бүтээгдэхүүнээрээ дэлхий даяар хэрэглэгчдийн итгэлийг хүлээсээр байна.

Монгол Улсад үйл ажиллагаагаа өргөжүүлж буй энэхүү шинэ салбар UB Autocom-д нээгдсэнээр Яармаг болон хотын баруун бүсийн хэрэглэгчид олон улсын чанартай бүтээгдэхүүнийг илүү ойроос, илүү тав тухтай орчинд худалдан авах боломжтой болох юм.

Энэхүү хамтын ажиллагаа нь Яармаг бүсийн өсөн нэмэгдэж буй хэрэглээ, шинэ хотжилтын хөгжилтэй уялдсан томоохон алхам бөгөөд цаашид UB Autocom-д олон улсын шинэ брэнд, үйлчилгээ нэмэгдэх суурь болж байна.