​АЖЛААСАА ХАЛАГДСАН ТӨРИЙН НАРИЙН БИЧГИЙН ДАРГА УИХ-ЫН ДАРГА РУУ УТАС ЦОХИЛОО

Өчигдөр Засгийн Газрын хуралдаанаар БСШУЯ-ны Төрийн нарийн бичгийн дарга Б.Баярсайханыг үүрэгт ажлаас нь чөлөөлсөн. Тэгвэл өнөөдөр төрийн ордонд ажлаас чөлөөлөгдсөн Засгийн Газрын тогтоолоо хүлээн авахаар ирсэн байна. Ажлаас чөлөөлөгдсөн асуудлаар нь түүнээс тодруулга авах гэсэн боловч "тогтоолоо гар дээрээ авсны дараа тайлбар өгнө" гэх тайлбарыг өглөө.

Ажлаасаа үндэслэлгүй халагдсан гэж гомдоллож байгаа тус яамны Төрийн нарийн бичгийн дарга яг одоо төрийн ордонд Засгийн Газрын Хэрэг эрхлэх газрын дарга Ж.Мөнхбаттай уулзахаар өрөөнд нь орлоо. Тэрбээр ордны коридорт утсаар УИХ-ын дарга, МАН-ын дарга М.Энхболдын туслах н.Эрдэнэбаярлуу залгаж, "Би даргатай уулзахгүй бол болохгүй байна.Намайг үндэслэлгүй ажлаас чөлөөлчихлөө" гэж ярив.