Г.Очирбат: Эдийн засаг хүндэрсэн үед эрх баригч нар АН-аас боловсролтой хүн хайж, санал тавих гэж байгаа юм болов уу

Сэтгүүлч: Арчилсан нам засагт хамтрах асуудал яригдаад байх шиг байна танд мэдээлэл байна уу? 

Г.Очирбат: Ардчилсан нам, за яахав, улс орны эдийн засгийн нөхцөл байдалтай холбогдуулаад Ардчилсан намын Үндэсний бодлогын хорооны гишүүд ямар шийдвэр гаргахыг хувь хүний гишүүний хувьд мэдэхгүй байна. Тэхдээ ер нь Ардчилсан намын өөрийнх нь байр суурийг та бүхэн мэдэж байгаа шүү дээ. Үзэл санааны лидер болсон агсан Зоригийн хэлсэн үндсэн гол зорилго, зарчмыг барьдаг. Хамгийн нэгдүгээрт улс эх орныхоо эрх ашгийг барина. Хоёрдугаарт нам, бүлгийн эрх ашгийг барина. Гуравдугаарт хувь хүний эрх ашгийг барина гэсэн үндсэн зарчмыг манай намын олон гишүүн баримталж явдаг гэж хардаг. За, бодлогын ямар шийдвэр гаргахыг хувь гишүүний хувьд мэдэхгүй байна. Энэ эдийн засаг хүндэрсэн үед эрх баригчид магадгүй Ардчилсан намаас мэдлэгтэй, боловсролтой, чадвартай, эдийн засгийн хувьд энэ нөхцөл байдлыг даван гарчих хүмүүс байвал санал тавих гэж байгаа юм болов уу гэсэн сошиал мэдээлэл явж байна. Яг одоогоор яригдсан бодит зүйл байхгүй. Зүгээр сошиалд явж байгаа мэдээллийг иргэд, ялангуяа ардчилсан үзэл санаатай монголчууд маань тэгж өмөөрч, буруу мэдээлэлд автахгүй байгаасай гэж хүсэж байна.