О.Алтангэрэл: Тэтгэврийн мөнгө машины урьдчилгаа, цалингийн зээл хааж байна

Ахмадын тэтгэврийг нэмэх асуудал улс төрчдийн толгойны өвчин болоод байна гэхэд хилсдэхгүй. Тэтгэврийн хэмжээ амьжиргааны бодит хэрэгцээг хангаж чадахгүй байгааг ахмадууд удаа дараа шүүмжилж, тэтгэврийг дор хаяж 1.5 сая төгрөгт хүргэх шаардлага тавьсаар байгаа юм.

Тиймдээ ч ахмадын төлөөллүүд Төрийн ордныг тойрон алхаж, жагсаал зохион байгуулан байр сууриа илэрхийлсээр байна. Тэдний зүгээс тэтгэврийн хэмжээ өргөн хэрэглээний бараа бүтээгдэхүүн, эм тариа, хэрэглээний зардлаа даахад хүрэлцэхгүй болсон гэдгийг онцолж байгаа юм.

Өнөөдөр буюу тавдугаар сарын 13-ны ТББХ-ны хуралдаанаар УИХ-ын гишүүн О.Алтангэрэл "Тэтгэвэр зөвхөн ахмуудуудын асуудал биш, бүх нийтийн асуудал болчихоод байна. Тэтгэврийн зээл машины урьдчилгаа болж байна, цалингийн зээл хааж байна. Тэтгэвэрээрээ үр хүүхэддээ тус нэмэр болж амьдарч байна. Хэзээ ахмадуудынхаа төлөө юм хийх вэ?..." гэв. 

Бичлэгийг эндээс үзнэ үү.