​​“Xөдөлмөрийн аюулгүй байдал, эрүүл мэндийн урьдчилан сэргийлэлтийн цогц аян–2026”амжилттай хэрэгжлээ

“Xөдөлмөрийн аюулгүй байдал, эрүүл мэндийн урьдчилан сэргийлэлтийн цогц аян–2026” улаанбаатар хотод амжилттай хэрэгжлээ.

Гэр бүл, хөдөлмөр, нийгмийн хамгааллын сайд Т.Аубакирын өгсөн үүрэг, даалгаврын дагуу үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх ажлыг улс даяар эрчимжүүлж байна. Энэ хүрээнд “Хөдөлмөрийн аюулгүй байдал, эрүүл мэндийн урьдчилан сэргийлэлтийн цогц аян–2026” арга хэмжээг Улаанбаатар хотын төвийн 6 дүүрэгт 2026 оны дөрөвдүгээр сарын турш зохион байгууллаа.

Аяны хугацаанд дүүрэг бүрт үнэ төлбөргүй сургалт, зөвлөгөө, оношилгоог зохион байгуулж, дараах үзүүлэлтээр иргэд, байгууллагуудыг хамруулав.
Тухайлбал:
- Ажил олгогч, удирдах ажилтнуудад зориулсан ХАБЭА-н сургалтад 1,011 хүн, хувиараа хөдөлмөр эрхлэгчдийн сургалтад 350 иргэн тус тус хамрагдлаа.
- Нийт 12 аж ахуйн нэгж, байгууллагын ажлын байрны эрсдэлийн болон хөдөлмөрийн нөхцөлийн үнэлгээг хийж гүйцэтгэв.
- Мэргэжлээс шалтгаалсан өвчний хяналтын үзлэгт 460 иргэнийг хамруулж, зөвлөгөө мэдээлэл өглөө.
Улаанбаатар хотын төвийн 6 дүүрэгт 1,444 аж ахуйн нэгж, байгууллагын 148,000 ажилтанд үйлдвэрлэлийн ослоос сэргийлэх чиглэлээр шууд болон шууд бус нөлөөллийн арга хэмжээг хүргэж ажиллав. Энэхүү цогц аян цаашид орон нутагт үргэлжилж, 21 аймгийг хамран зохион байгуулагдах юм. Аяныг Гэр бүл, хөдөлмөр, нийгмийн хамгааллын яам болон түүний харьяа агентлаг, байгууллагууд хамтран хэрэгжүүлж байна.