Нэрт хуульч Д.Дэмбэрэлцэрэнгийн нэрэмжит эсээ бичлэгийн уралдааны шилдгүүд тодорлоо

"СИТИ” Их сургуулийн Хууль зүйн сургуулиас Монгол Улсын гавьяат хуульч, Дээд шүүхийн дарга, Улсын Дээд шүүхийн Ерөнхий шүүгч, Шүүхийн ерөнхий зөвлөлийн анхны дарга, Үндсэн хуулийн цэцийн гишүүн, УИХ-ын гишүүн агсан, Монгол Улсын нэрт хуульч Д.Дэмбэрэлцэрэнгийн нэрэмжит эсээ бичлэгийн уралдааныг жил бүр Ерөнхий боловсролын сургуулийн 12 дугаар ангийн сурагчдын дунд уламжлал болгон зохион байгуулдаг билээ. Энэхүү уралдаан нь залуу үеийн эрх зүйн боловсролыг нэмэгдүүлэх, шүүмжлэлт сэтгэлгээ болон нийгмийн асуудлыг эрх зүйн өнцгөөс задлан шинжлэх чадварыг хөгжүүлэх зорилготой юм.

Энэ жилийн уралдаан орчин үеийн нийгэм, эрх зүйн тулгамдсан асуудлыг хөндсөн дараах хоёр үндсэн  сэдвийн хүрээнд зохион байгуулагдав:

• Хиймэл оюун ухаан ба эрх зүй
• Ялгаварлан гадуурхалт, дэг журам ба эрх зүй
Энэ удаагийн тэмцээнд нийслэл болон хөдөө орон нутгаас нийт 100 гаруй сурагч эсээг ирүүлсэнээс шилдэг 12 эсээг хоёрдугаар шатанд шалгаруулж, шүүгчдийн үнэлгээгээр дараах сурагчид шагналт байранд шалгарлаа.
I байр Т.Бүжинлхам – 21-р сургууль
II байр Д.Ариунсувд – 119-р сургууль
III байр Х.Розогуль – Хэнтий аймаг, Бор-Өндөр ЕБС
Тусгай байр Б.Тэмүүлэл – Дорнод аймаг, Дашбалбар ЕБС
М.Золбоо – Жаргалан Олон Улсын Сургууль
Энэхүү уралдаан нь ирээдүйн хуульч, эрх зүйч мэргэжилтнүүдийн сэтгэлгээ, мэдлэг, нийгмийн хариуцлагыг хөгжүүлэхэд чухал хувь нэмэр оруулж байна.